Nao ‘t bekindj make van Prins Marco 1e , Prinses Judith en de adjudante kómme de Bóntje Aovendje steeds dónderbie. Daoróm wille wae uch gaer oetnuueje veure jaorlikse informasieaovendj dae zal plaatsvinje op maondig 12 december 2022, 19:30 ore bie Anno 1610.

De Bóntje Aovendje zelf zeen op 27 en 28 jannewarie 2023. De seniore Bónte Middig vintj plaats op 29 jannewarie 2023.

Nao deze informasieaovendj waertj de optochtdeilnummersvergadering gehaoje om 20:30 ore. Aansloetendj zal dore Taal en Cultuur commissie ein sjoëen presentasie gehaoje waere dae in ‘t teike steit van “money, money, money” mèt dao achteraan eine korte taalquiz.

‘t Belooftj eine sjoeëne aovendj te waere dus zörgtj detj gae vanne partie zeetj.

Wae hope uch allemaol de 12e te zeen.