Wae zeen d’r weer klaor veur! Nao eine joeksige alternatieve vastelaovendj begin van dit jaor, staon wae weer te popele óm d’r same mèt uch ein jaor van te make óm noeëts te vergaete. Mèt ein jeugdprinsepaar óm noeëts te vergaete en eine groeëte Prins óm noeëts te vergaete! En dao gaon wae volgendje waek zunjig mèt beginne. Óm 15.11 vange wae aan mèt ‘t oetrope van ‘t jeugdprinsepaar, in oos eige honk de Parochiezaal natuurlik. Ich wil uch daobie nog efkes herinnere aan eine oproep van aod Vorst Frank. Frank heet uch veurig jaor gevraogdj óm mèt de hieële groep in euge polo nao de zaal te kómme. Óm bie wieze van aafsjied nog eine kieër al die gekleurdje polo’s biejein te zeen. Zootj gae det veur mich ouch wille doon, as verrassing veur Frank; eine Vorst óm noeëts te vergaete! Den kiektj dae volgendje waek zunjig zien uig oet!

Alvast bedanktj en Toet den!

Vorst Paul