Serdelhunj, Serdelhundjes en ederein van boete aaf.
Ich bèn prins Ken I, de 66ste Prins vanne Serdelhunj in dit sjoeëne Hunsel. Sins ein paar jaor woeën ich mèt mien Prinses Rianne, en oos wichter Liza en Jelle, weer trök op ’t vertroedje nèst oppe Kraakstraot. In dees proclamasie stèl ich michzelf veur, daonao zeen mien Prinses en Adjudante ane beurt óm zich veur te stèlle.
Dao gaon wae…. (Prins Ken I)
– Zoon van Jack van Straoter en Josette Rijks
– Broor van aod Prins Roy I
– In ’t dageliks laeve sjroever bie eine mesjienebouwer in Kepel
– Vedette van ‘t 6e èlftal van DFO en stief links
– Al 2 x 11 jaor achteropgoeëjer bie vogelpikvereiniging DC Naeve Naartje
– Aod Jeugdvorst, aod Borebroedegóm en aod Adjudant
– Mieër as 11 jaor actief lid vanne Raod van Èlf
– Kertrèkker achtere sjerme bie de Bóntje Aovendje
– Fieëstgenger van kindjs af aan en slecht heives te kriege
– En gaer in gezelsjap van femilie en vrinj inne bar bie Ken
Prinses Rianne
– As Pinmaeker gebore mer in 2010 eine Serdelhóndj gewore
– Dochter van Thijs en José Loven oet Neejwieërt
– Ouch höb ich eine look alike, mien zöster Els en daonaeve ein breurke Geert
– Aod Borebroed
– Polizuster vanne sniejers vanne chirurgie in Remunj!
– Veterin bie DFO ‘20
– Gastvrouw bie DFO, euverbliefmoder oppe lieëgere sjoeël en lid van ’t activiteitecommittee
– Ein klein dingske is det Hunsels kalle, mer ich gaon mien bèst doon
Adjudant Roy
– Broor van Prins Ken en Sjoeënbroor van Prinses Rianne
– Beweze eine echte Serdelhóndj te zeen as aod Jeugdprins, aod Prins en aod Adjudant
– In ’t dageliks laeve eine mesjienedokter, dèk wied boete ’t Serdellelandj
– Lid vanne Raod van oos eige Serdelhunj
– Trómmelieër bie de drumband vanne Sjötterie
Adjudant Danny
– Zoon van Jos vanne Hóndjskepel en Nelly van Nuie en broor van aod Adjudant Ralf
– As Serdelhóndj gebore en det vastelaovesgeveul noeëts mieër verlore
– In ’t dageliks laeve wirk ich bie de gemeindje Heële en doon dao get mét computers auw hoer
– Actief lid van DFO `20 en same mèt Prins Ken de ervare krachte van ‘t 6e èlftal
– Lid van kepel Hóndjsdul, weem wétj waat det nog geit gaeve, missjien ein ope sollicitasie bie de Hóndjskepel
Adjudant Bart
– Zoon van Jos van Tieëwe en Mariet van Götjes
– Woeënechtig in ‘t Rabbedabbelandj mer van kleins af aan al eine echte Serdelhóndj
– Aod Borebroedegóm
– In het dageliks laeve wirkzaam bie ’t zäödje in Nunhem, woeë ich veul op ’t vèldj te vinje bèn
– Veldjwachter mèt de Borebroeloft
Gae mòtj ouch weite;
– Det wae same mèt uch flink wille fieëste dit jubileumjaor!
– Det ze geine brandjwaerman hoofs te zeen óm aaf en toe eine Fireman te preuve.
– Gank noeëts nao ‘t fieëste mèt eine lege maag nao bèd.
– Detj gae op aanraoje vanne Prins ins eikes mèt Maggi en kroepoek mèt heksekieës mótj probere.
– Det Vastelaovendj vere neet allein veure groeëte minse is mer ouch zeker veure wichter!
– Detj gae den ouch zoeëveul meugelik de wichter métnumtj!
– Zeetj neet te bang en fieëst mét ós extra lang!
Wae gaon dit jubileumjaor same vere ónger mien motto:
6 x 11 belaeve
Det is van begin toet inj alles gaeve!